तिच्या मायला

#मराठीगझल_राजीवमासरूळकर_7

गझल : तिच्या मायला

मनात नुसती होते ठसठस.... तिच्या मायला
प्रेमाविण हे जगणे भंकस...... तिच्या मायला

मुका बोलतो, लुळा डोलतो, खुळा ज्ञान दे
बॉटल नसते नुसती फसफस.... तिच्या मायला

स्वार्थाआडुन उपकाराचे केळ कशाला....?
मेलो तर मेलो बेवारस... तिच्या मायला

असो बघोणे, तवा, ग्लास वा तांब्या कोणी
पत्नी असते दणकट सांडस..... तिच्या मायला

मरणा-यालाही जगण्याचे स्फुरण चढावे
गझल पकडते ती दुखरी नस..... तिच्या मायला!

~ राजीव मासरूळकर
   सिल्लोड, जि. औ'बाद
   दि.31/10/2014
   रात्री 11:45 वाजता