तुला कळू दे
कुणी कुणाचे नाही इतके तुला कळू दे
तरी फुलाचे फळ होण्या पाकळी गळू दे !
केवळ नाते बघून का गलबलून यावे?
मुक्या तरूपर्णासाठी आसवे ढळू दे !
शहाणपण येऊ दे इतिहासाला जोखुन
व्यथा जगाची समकालाची तुला छळू दे !
किती दिवस कापूस मनाचा करपू द्यावा?
प्रकाशीत जग होण्यासाठी वात जळू दे !
इथे हजारो वळणे, वाटा क्षणाक्षणाला
तुझे नव्या वाटेने पद 'राजीव' वळू दे !
- राजीव मासरूळकर
कुणी कुणाचे नाही इतके तुला कळू दे
तरी फुलाचे फळ होण्या पाकळी गळू दे !
केवळ नाते बघून का गलबलून यावे?
मुक्या तरूपर्णासाठी आसवे ढळू दे !
शहाणपण येऊ दे इतिहासाला जोखुन
व्यथा जगाची समकालाची तुला छळू दे !
किती दिवस कापूस मनाचा करपू द्यावा?
प्रकाशीत जग होण्यासाठी वात जळू दे !
इथे हजारो वळणे, वाटा क्षणाक्षणाला
तुझे नव्या वाटेने पद 'राजीव' वळू दे !
- राजीव मासरूळकर
No comments:
Post a Comment