===मायबाप===
संसारसर्पाच्या विळख्यात
दारिद्र्याचं गरळ गिळून
प्रत्येक दिवशी स्वतःला
मजुरीच्या मोलात विकून
थकून भागून
माझे मायबाप
सांजावतांना
कवेत घेऊन येतात
एक अंधारसत्य . . . . . . . . . . . . !
त्यांच्या पिचलेल्या हाडांतून
उसळते आग
तिलाही देतात ते
रक्ताचे डाग . . . .
मी मात्र बसलेलो
थंडचा थंड
शिक्षणातल्या शौर्याने
बनलेलो षंढ . . . . . . !
- राजीव मासरूळकर
"मनातल्या पाखरांनो" मधून
No comments:
Post a Comment