मला भेटून जाताना
दिसावी तू मला माझ्यात डोकावून जाताना
तुला भेटून जावे तू मला भेटून जाताना
कसे शब्दात एका मी मनीचे गूज सांगावे
तुला वाटू नये खोटे, खरे सांगून जाताना
सहन केलाय ग्रीष्माचा प्रखरसा दाह झाडांनी
जरा कर पावसा वर्षाव मृग संपून जाताना
किती केलेस तू माझ्या मनाचे प्रीतरस शोषण
नको ना दूर जाऊ हा झरा आटून जाताना
भरू दे रात्रभर चंद्रासवे आकाशसंमेलन
सकाळी दव बनू तृणपान ओथंबून जाताना
किती तू हुंदके देउन रडायाचीस विरहाने
उसासा फक्त एकच का मला सोडून जाताना??
~ राजीव मासरूळकर
दि.23/05/2015
सायं7:30 वाजता
सिल्लोड जि.औरंगाबाद
दिसावी तू मला माझ्यात डोकावून जाताना
तुला भेटून जावे तू मला भेटून जाताना
कसे शब्दात एका मी मनीचे गूज सांगावे
तुला वाटू नये खोटे, खरे सांगून जाताना
सहन केलाय ग्रीष्माचा प्रखरसा दाह झाडांनी
जरा कर पावसा वर्षाव मृग संपून जाताना
किती केलेस तू माझ्या मनाचे प्रीतरस शोषण
नको ना दूर जाऊ हा झरा आटून जाताना
भरू दे रात्रभर चंद्रासवे आकाशसंमेलन
सकाळी दव बनू तृणपान ओथंबून जाताना
किती तू हुंदके देउन रडायाचीस विरहाने
उसासा फक्त एकच का मला सोडून जाताना??
~ राजीव मासरूळकर
दि.23/05/2015
सायं7:30 वाजता
सिल्लोड जि.औरंगाबाद
