गझल
फक्त भासानेच आपण घाबरू शकतो
तो करायाचेय ते, तेव्हा करू शकतो
आज तू वापर मला वाटेल तसले पण
जप, तुला मीही तसे मग वापरू शकतो
हे खरे की पाहिजे वारा जगायाला
वादळामध्ये कुणीही गुदमरू शकतो
सावली करूणाढगांची दे फिरू काळी
देह आशेवर बळी मग नांगरू शकतो
पेटला हट्टास तर मी जिंकतो नक्की
खेळला राखून आदर तर हरू शकतो
संपली आहे तुझ्या हृदयातली हिरवळ
अन्यथा (?) तेथे मला मी अंथरू शकतो
मी पसारा हा तुला रमवायला केला
नासवू बघशील तर मी आवरू शकतो
~ राजीव मासरूळकर
मासरूळ, दि.8/5/19
फक्त भासानेच आपण घाबरू शकतो
तो करायाचेय ते, तेव्हा करू शकतो
आज तू वापर मला वाटेल तसले पण
जप, तुला मीही तसे मग वापरू शकतो
हे खरे की पाहिजे वारा जगायाला
वादळामध्ये कुणीही गुदमरू शकतो
सावली करूणाढगांची दे फिरू काळी
देह आशेवर बळी मग नांगरू शकतो
पेटला हट्टास तर मी जिंकतो नक्की
खेळला राखून आदर तर हरू शकतो
संपली आहे तुझ्या हृदयातली हिरवळ
अन्यथा (?) तेथे मला मी अंथरू शकतो
मी पसारा हा तुला रमवायला केला
नासवू बघशील तर मी आवरू शकतो
~ राजीव मासरूळकर
मासरूळ, दि.8/5/19
