वाटत वाटत

चढणे नव्हे चढणे, तळवे चाटत चाटत
जगणे नव्हे जगणे, पैसा लाटत लाटत

आसपास तव असता गंधित दरवळ, वावर
दूर जराही कुठेच नाही जावे वाटत

प्रकाशनाच्या आधी खडतर दिवस असे की
पुस्तक आयुष्याचे आले पुरते फाटत

त्याने बघून केले जेंव्हा मज दुर्लक्षित
तेंव्हापासून नाही मी ही नाचत थाटत

दुःख करत आलो मी गोळा दुखीजनांचे
जाता यावे शेवटास, सुख वाटत वाटत

- राजीव मासरूळकर
दि १९ऑक्टो२०१३
रात्री११.३०वाजता