पाऊस उरातुन झरतो

पाऊस उरातुन झरतो

पाऊस धरेचा प्रियकर
पाऊस पिकांचा ईश्वर
पाऊस नभाचा उत्सव
सुखदु:खामधले अंतर

पाऊस उरातुन झरतो
उठवीत वादळे ओली
रक्तात भिनवतो माझ्या
सृष्टीची हिरवी बोली!

पाऊस जरा भिरभिरतो
काठावर आठवणींच्या
पाण्यात उमटते नक्षी
हृदयातील पुष्करणींच्या!

पाऊस ढगातच विरतो
सुकलेल्या ओठांमधला
पाऊस घोर तडफडतो
भुक ल्याल्या पोटांमधला .....

पाऊस थबथबलेला
झाडांच्या पानोपानी
पंखांतील गोठुन उर्जा.....
चोचींतील घोटुन वाणी......!

डोळ्यांतुन बरसुन सा-या
पाऊस जरासा उरतो
क्षितिजावर अवतरलेल्या
सूर्याला पाहुन झुरतो.....!

~ राजीव मासरूळकर
दि. 30/12/2005