हासता मी, मोगऱ्याचे फूल तू होतेस राणी
हासता मी, गंधवेडी तू प्रिये गातेस गाणी !
गडगडोनी मेघ काळे बरसती हृदयात तुझिया
हासता मी, चेहऱ्यावर इंद्रधनुही ये फुलाया !
हासता मी, हासते डोळ्यांत तुझिया लख्ख पाणी
सांगते ते मम मनाला तव मनामधली कहाणी !
हासता मी, हासती तारे नभी वारे सभोती
आणि देती ओंजळीभर आठवांचे गूजमोती !
हासता मी . . . हासता तू . . . . हासती साऱ्या दिशाही
सांगती हे भास बा रे, तूच नाही ! तूच नाही !!
- राजीव मासरूळकर
दि २४.०७.२०१३
सकाळी ८.३० वाजता
No comments:
Post a Comment