रिकामी नजर, श्वासही हे रिकामे
रिकामे कसे शब्द सारे, जीवा?
रिकामेच गेह, रिकामाच देह
रिकामी निकामी कशी ही हवा?
न जाणीव ...न स्पर्श होई कुणाचा
कि घोट प्यालो मी हलाहलाचा
न मी अंतराळी, न भूमीवरीही
न पाय मज अन् न थारा कुणाचा
खरा सूर्य भासे जणु काजवा!
भरारा निरर्थक शब्द:धुराळा
अंतर्मनी गरगरे कु:पाचोळा
न साद कुठली, न छाया कशाची
निष्पर्ण खोडांचा फुटलाय पोळा
आणि पंख तुटलेला मी पारवा!
साठेबाज अश्रू, नफेखोर माया
यंत्रवत जगाचा बघे घास घ्याया
न मी कुणाचा, न कोणी कुणाचा
अनिश्चिततेचे सत्यनीर प्याया
लुटारूंची येथे सुरू वाहवा!!!
~ राजीव मासरूळकर
No comments:
Post a Comment