जागर मराठीचा

जागर मराठीचा

थेंब मी आहे इथे सागर मराठीचा
तनमनामध्ये दिसे वावर मराठीचा

बघ अजिंठा, वेरुळाला अन् विठोबाला
फुटतसे सह्याद्रिला पाझर मराठीचा

मागणे आहे तुझ्यापाशी  जिव्हाळ्याचे
हे मना, तू कर सदा जागर मराठीचा

मायभू, आई, परस्त्री वंद्य आम्हाला
अन् शिवाजीएवढा आदर मराठीचा

इंग्रजीवर स्थापण्या सत्ता मराठीची
कर मराठी माणसा वापर मराठीचा

~ राजीव मासरूळकर
   मराठी राजभाषा दिन
   दि.27/2/15 19:00