शिलाई
आतड्यांची उसवता शिलाई
दुःख होते तुलाही, मलाही
ठेव विश्वास, पण कर चिकित्सा
ऐकले जे, खरे तेच नाही
नाव घेती कुणी शाप देती,
ठेव चालू तुझी तू भलाई
आपल्यांच्या पुढे मान दे पण,
तू न व्हावे कधीही कसाई
सांग पैसा, घरे, बंगले की
मानसन्मान असली कमाई ?
जर शिकाया न जमलेच जगणे
व्यर्थ आहे पढाई लिखाई !
रोज हरतो मनातून युद्धे
मारतो पण हसुन मी बढाई !
का म्हणावे मुके या पशुंना ?
हंबरुन बघ पुकारीत गाई !
का सुखे येथ इतिहास घडतो ?
आटते सांडते रक्तशाई !
भोवती जर सदा तेच धोंडे
बहरु दे अंतरातून जाई !
बाप उन्हातली सावली अन्
ऊब थंडीतली खुद्द आई !
~ राजीव मासरूळकर
आतड्यांची उसवता शिलाई
दुःख होते तुलाही, मलाही
ठेव विश्वास, पण कर चिकित्सा
ऐकले जे, खरे तेच नाही
नाव घेती कुणी शाप देती,
ठेव चालू तुझी तू भलाई
आपल्यांच्या पुढे मान दे पण,
तू न व्हावे कधीही कसाई
सांग पैसा, घरे, बंगले की
मानसन्मान असली कमाई ?
जर शिकाया न जमलेच जगणे
व्यर्थ आहे पढाई लिखाई !
रोज हरतो मनातून युद्धे
मारतो पण हसुन मी बढाई !
का म्हणावे मुके या पशुंना ?
हंबरुन बघ पुकारीत गाई !
का सुखे येथ इतिहास घडतो ?
आटते सांडते रक्तशाई !
भोवती जर सदा तेच धोंडे
बहरु दे अंतरातून जाई !
बाप उन्हातली सावली अन्
ऊब थंडीतली खुद्द आई !
~ राजीव मासरूळकर
No comments:
Post a Comment