पाऊस
थेंब थेंब प्रेमाचे घेउन येतो पाउस
स्पर्श सुखाचे हळवे देउन जातो पाउस !
विरहचांदणेठिबकत येता गालावरती
मिठीत घेउन अलगद चुंबुन घेतो पाउस !
शेतपिकांच्या पानोपानी दंवासारखे
सहवासाचे गीत दिवाने गातो पाउस !
स्वार्थामध्ये गढूळ होता नातीगोती
एकांतातच दुरात जाउन झुरतो पाउस !
अंगावरुनी ओघळून जाते ते पाणी
भिजणाऱ्याच्या उरात कायम उरतो पाउस !
- राजीव मासरूळकर
मासरूळ , ता जि बुलडाणा
No comments:
Post a Comment