गझल
दिसे चेहरा ना निडर माणसाचा
कसा देव व्हावा अमर, माणसाचा?
जरी दु:ख शाश्वत, तरी ही अपेक्षा
असो नित्य हसरा अधर माणसाचा
असे बीज पेरू, असे पीक घेऊ
जमीनीस यावा बहर माणसाचा
करू लागलो उत्खनन मी स्वत:चे
दिसू लागला मज पदर माणसाचा
जिथे आठवे स्वार्थहेतूच तेथे
पडे माणसाला विसर माणसाचा
इथे पेटलेली........ भुकेचीच होळी
जळू विकृती द्या: गजर माणसाचा
असा रंग खेळू धुलीवंदनाला
हरेकास यावा कलर माणसाचा
~ राजीव मासरूळकर
दिसे चेहरा ना निडर माणसाचा
कसा देव व्हावा अमर, माणसाचा?
जरी दु:ख शाश्वत, तरी ही अपेक्षा
असो नित्य हसरा अधर माणसाचा
असे बीज पेरू, असे पीक घेऊ
जमीनीस यावा बहर माणसाचा
करू लागलो उत्खनन मी स्वत:चे
दिसू लागला मज पदर माणसाचा
जिथे आठवे स्वार्थहेतूच तेथे
पडे माणसाला विसर माणसाचा
इथे पेटलेली........ भुकेचीच होळी
जळू विकृती द्या: गजर माणसाचा
असा रंग खेळू धुलीवंदनाला
हरेकास यावा कलर माणसाचा
~ राजीव मासरूळकर
No comments:
Post a Comment