साथ

'साथ'

साथ कळ्या खुडण्याची आली, लहर नव्हे
हे सुमनांचे स्मशान आहे, बहर नव्हे !

दुःखच झाले औषध रोगांवर सगळ्या
रोज प्राशुनी जगतो आहे, जहर नव्हे !

शोधत होतो माणसातला देव इथे
हे तर जंगल जनावरांचे, शहर नव्हे !

पृथ्वीमाते, कर उलथापालथ येथे
किती मातला माणुस, झाला कहर नव्हे ?

थांबा, क्रूर पशुंनो, मध्ये शिरू नका
शरीर हे 'राजिव'चे, ते खंडहर नव्हे !

~राजीव मासरूळकर
पानवडोद, जि. औरंगाबाद
दि. २५.११.२०१३
दुपारी १२.०५ वाजता