पहारा
हे निसर्गा , का दिला तू लोचनी पाऊस खारा ?
प्राशतो कोणी मुक्याने , मांडतो कोणी पसारा !
चंद्र तारे सूर्य वारे राहु दे स्वप्ने गुलाबी
द्यायचा तर दे मला तू , फक्त आता ध्रुवतारा !
ओरबाडूनी हजारो वादळे गेली तनाला
कोणताही स्पर्श देऊ ना शके आता शहारा !
दार घे लावून अलगद दीप मालव, ये जवळ अन्
घे मिठीमध्ये मला, कर बंद विरही कोंडमारा
वाटते मज घाव माझे नेहमी राहोत ताजे
ठेवला मी वेदनेचा सक्त जखमेवर पहारा !
- राजीव मासरूळकर
मासरूळ , बुलडाणा
दि १०.११.१२
हे निसर्गा , का दिला तू लोचनी पाऊस खारा ?
प्राशतो कोणी मुक्याने , मांडतो कोणी पसारा !
चंद्र तारे सूर्य वारे राहु दे स्वप्ने गुलाबी
द्यायचा तर दे मला तू , फक्त आता ध्रुवतारा !
ओरबाडूनी हजारो वादळे गेली तनाला
कोणताही स्पर्श देऊ ना शके आता शहारा !
दार घे लावून अलगद दीप मालव, ये जवळ अन्
घे मिठीमध्ये मला, कर बंद विरही कोंडमारा
वाटते मज घाव माझे नेहमी राहोत ताजे
ठेवला मी वेदनेचा सक्त जखमेवर पहारा !
- राजीव मासरूळकर
मासरूळ , बुलडाणा
दि १०.११.१२
No comments:
Post a Comment