कला

लाख वर्षांपासुनी माणसा, सांगू तुला
साधली एकच कला वापरुन फेकू चला

आपला जो वाटतो आपला असतो कुठे
काम काढाया तया खाज प्रेमाची सुटे
ओळखू येतो कुठे कोण आहे चांगला

काम साधायास जर भेटला नाही कुणी
घोर शत्रूला बघा मानले जाते गुणी
बेत समजे ना कुणी काय आहे आखला

भूक वैश्येची तिला शील द्याया लावते
भोगतो परस्त्रीस नर मर्द तो ठरतो इथे
सोसते तोवर भली, वाटते नंतर बला

स्वार्थ जातो साधला साथ असते तेवढी
कोण वरचढ वाटतो खेच त्याची तंगडी
फक्त प्रामाणिक गळा जात असतो कापला

~ राजीव मासरूळकर
    दि.22/08/2018 12:40 am
    सावंगी, औरंगाबाद