या हो सूर्यदेवा, या हो सूर्यदेवा ।
सोनसळी किरणांचा वाजवित पावा ।।
उंच बंगल्यांआधी झोपडीत माझ्या या ।
समतेचा ममतेचा गंध ऊधळीत या ।
या, तुम्हीच धरतीवर शांतीरोप लावा ।।
जळजळत तुम्ही या जातीपाती जाळा ।
खळाळत वाहूनि न्या मनातल्या मळा ।
प्रकाशातल्यांचा तव धर्म एक व्हावा ।।
अनंत उर्जाव्रत ल्यालेले महर्षि तुम्ही ।
अनंत अक्ष दक्ष यक्ष ज्ञानयोगी तुम्ही ।
चराचरात स्पंदनात तुमचाच धावा ।।
या हो सूर्यदेवा, या हो सूर्यदेवा ।।
- राजीव मासरूळकर
No comments:
Post a Comment