वेडी कुठली
दुरून बघते, सलज्ज हसते, वेडी कुठली
जिवापाड माझ्यावर मरते, वेडी कुठली!
नजर तिच्यावर जेव्हा माझी थबकत नाही
पुन्हा आरशासमोर बसते, वेडी कुठली!
डोळ्यांमध्ये माझ्या कोणी भरू नये ना,
कायम माझ्यासमोर असते, वेडी कुठली!
बोलावे मी, स्पर्श करावा, मिठीत घ्यावे
एकांती या स्वप्नी रमते, वेडी कुठली!
समाधीस्त मी जगण्यामधुनी जागा होतो
हळूहळू ती मनात ठसते वेडी कुठली!
"प्रेम तुझ्यावर मी ही करतो ", मी म्हटल्यावर
"वेडा कुठला " मलाच म्हणते, वेडी कुठली!
~ राजीव मासरूळकर
दुरून बघते, सलज्ज हसते, वेडी कुठली
जिवापाड माझ्यावर मरते, वेडी कुठली!
नजर तिच्यावर जेव्हा माझी थबकत नाही
पुन्हा आरशासमोर बसते, वेडी कुठली!
डोळ्यांमध्ये माझ्या कोणी भरू नये ना,
कायम माझ्यासमोर असते, वेडी कुठली!
बोलावे मी, स्पर्श करावा, मिठीत घ्यावे
एकांती या स्वप्नी रमते, वेडी कुठली!
समाधीस्त मी जगण्यामधुनी जागा होतो
हळूहळू ती मनात ठसते वेडी कुठली!
"प्रेम तुझ्यावर मी ही करतो ", मी म्हटल्यावर
"वेडा कुठला " मलाच म्हणते, वेडी कुठली!
~ राजीव मासरूळकर
No comments:
Post a Comment